TOUPORROUTOU DA LÚA E DO SOL

Touporroutou da lúa e do sol (farsada choqueira para actores e bonecos, ou viceversa). Catro titiriteiros contan, axudados dos máis diversos elementos, historias sobre a orixe certa da lúa e o sol e dos días e as noites, do diluvio universal e de cómo acertar cos tesouros e tratar aos mouros, as fadas e sobre todo as serpes e os xigantes que gardan os tesouros.

E como, ao cabo, débese usar o mellor tesouro que é a imaxinación e que non hai ningún outro de máis mérito no Universo Mundo. Todo aderezado por Roberto Vidal Bolaño, aínda que pasado un chisco polo señor Álvaro Cunqueiro.