“Selección Natural” é unha comedia sobre a corrupción política e a deformación dos valores sociais. Dúas irmáns que, ao longo da vida, tomaron camiños moi distintos, vólvense atopar porque unha delas, por ser cómplice das corruptelas do seu home, vese na obriga de agochar na casa da outra.
As dúas irmáns vólvense atopar despois de anos de separación, pero as cousas non parece que marchen como inicialmente estaba previsto, pois, entre outras cousas, os corruptos farán todo o posible para saír coa súa e tratarán de quitar de en medio a todos os que se interpoñan no seu camiño. Defendéndose de tal intento irán caendo, por casualidade, outros personaxes e, por lo tanto, serán outros os cadáveres que a acción irá deixando debaixo dos sofás e agochados nos armarios. E, por fin, as dúas irmáns conseguen sobrevivir por casualidade na selva inmensa da corrupción e dos intereses políticos, deixando ao seu paso os cadáveres dos que non están preparados ou non teñen a sorte da súa parte, pero elas conseguen sobrevivir por “selección natural”.
Aínda que esta obra teatral fale da corrupción política, da terxiversación das escalas de valores que deberían imperar na sociedade, do desmantelamento absoluto e perverso de estes valores. A pesar de todo iso, “Selección Natural” é unha comedia que rí con distancia crítica e profiláctica, desa situación. Tranvía Teatro e Teatro do Noroeste xuntáronse neste proxecto para, poñendo en valor aos autores contemporáneos, analizar con espírito crítico, a realidade máis inmediata.
