O Imperial Café Cantante, trata de superar a competencia dos outros dous cafés cantantes de Vigo, o Brasil e o Español, contratando a unha cantante portuguesa especialista en fados: María das Neves. O seu debut congregará no café a flor da noite viguesa.

Entre canción e canción, organízanse negocios de contrabando de wolfram, que tan bos beneficios deron ao transformarse nun material estratéxico para a guerra mundial. Tamén se fían e desfían os amores e desamores daquelas xentes que, na súa inxenuidade, non contaban co que se lles viña enriba.