texto orixinal de Eduardo alonso
policía·eduardo alonso
"chino"·alejandro carro
escenografía e vestiario·equipo taetro
selección musical·brais morán
dirección·luma gómez
"Confesión" é o encontro inevitable de dúas personaxes que nunca deberon
terse encontrado, pero que estaban condenados a atoparse. Movíanse en
espacios especialmente próximos para que non se dera a colisión, porque,
efectivamente, máis que dun encontro trátase dunha colisión. Un, o "Chino",
buscando portas de saída á súa vida. O outro, o "Policía" atopando portas de
entrada, e os dous braceando ansiosamente procurando manterse a flote. Son
como dous náufragos que, na escuridade da noite, se agarran o un ao outro
para non afundir, pero o impulso de un cara arriba afunde máis ao outro, e
así, nese vaivén, vanse, sen decatar, alonxando máis e máis da táboa
salvavidas, da terra firme e intérnanse cada vez máis no buraco escuro da
noite.
